Өркениетті елдің өнерлі өрендерінің басын қосқан шара алғаш рет ұйымдастырылды. Еліміздегі ұлттардың мәдениетін, өнерін дамытуға жағдай жасаған қазақ жері өзінің дархандығын тағы бір дәлелдеді.

Әр өңірден келген 7 ұлттық театр түрлі жанрдағы ұлттық туындыларын ұсынды. Достық пен этносаралық ынтымақтастықты нығайтуды көздеген фестиваль Ел тәуелсіздігінің 20 жылдығына және бейбітшілік күніне орайластырылды.

Жарасқандықтың жарқын көрінісін көрсеткен ұлттық театрлар жоғары бағаға ие болды. Он аталым бойынша үздіктер марапатталды. «Үздік спектакль» аталымын Оңтүстік Қазақстан облыстық өзбек драма театры иеленді. «Ең үздік ер адам бейнесі» жүлдесі Сырым Қашқабаевқа бұйырды. Ал «Ең үздік әйел бейнесі» номинациясында бас жүлдеге Дилфуза Ибрагимжанова лайық деп танылды. Сондай-ақ, барлық театр ұжымдары Қазақстан халқы Ассамблеясының арнайы сыйлықтарымен марапатталды.

http://www.astanatv.kz/index.php?news=2573&lang=2