9 желтоқсанда К.Байсейітова атындағы Ұлттық опера және балет театрында ІІ Республикалық «Тәуелсіздік толғауы» конкурсының жеңімпаздарын марапаттау рәсімі өтті.

Конкурстың жеңімпаздары дипломдармен және ақшалай сыйақымен марапатталды. Опера және драмалық жанрлардағы ең үздік шығармалар республикадағы жетекші театрларда қойылу мүмкіндіктерін алады.

Марапаттау рәсіміне Қазақстанның көрнекті мәдениет және өнер қайраткерлері қатысты.

Конкурстың басты мақсаты: республикамыздың опералық, драмалық театрлар мен концерттік ұйымдарының репертуарларын Тәуелсіздік Қазақстанның жетістіктерін бейнелейтін отандық авторлардың шығармаларымен толықтыру; композиторлар мен драматургтарға қолдау көрсету және оларды жоғары көркемдік шығармаларды жазуға ынталандыру; отандық авторлардың шығармаларын көпшілікке таратуға жағдай жасау және оларды бұқаралық ақпарат құралдарында жариялау; отандық орындаушылардың шығармашылық мүмкіндіктерін кеңейту және  шеберлігін арттыру. Сонымен конкурстың нәтижесі төмендегідей болды:

«Ең үздік заманауи тақырыптағы ән» номинациясы бойынша:

1 орын «Құт мекен»    Серікжан Әбдінұров (композитор), Сейфолла Оспан (автор)

2 орын «Дүние»           Бейбіт Бірімғазы (композитор), Айтмұхамбет Қосжанов (автор)

3 орын «Қазақстан гүлдері»    Шолпан Қорғанбекова (композитор), Серік Тұрғынбек (автор)

3 орын «Көрдім де мінезіңе болдым құмар»           Әліби Әбдінұров (композитор), Қайырғали Асанов (автор)

«Хорға арналған ең үздік шығарма» номинациясы бойынша:

1 орын «Отаным менің Қазақстан!»   Роберт Айдос (композитор), Құмарбек Сыдық (автор)

2 орын «Бірлігің болсын, ағайын!»      Жоламан Тұрсынбаев (композитор)

3 орын «Қуаныш»      Ольга Хромова (композитор)

3 орын «Туған елім Қазақстан»       Сәукен Әліш (композитор)

«Ең үздік опералық шығарма» номинациясы бойынша:

Бас жүлде          «Айналайын, Азатым!»             Бекболат Тілеухан (композитор), Ерік Асқаров (автор)

«Ең үздік драмалық шығарма» номинациясы бойынша:

Бас  жүлде         «Ардагер»        Төлен Әбдікұлы

1 орын «Шәкәрім»       Әубәкір Рахимов

2 орын «Көшімхан-Сүзге»        Мағира Қожахметова